Бороо...

ЦАГ ХУГАЦААГ...

no_email@coo.mn (MUckEr) — Sat, 14 Jun 2014 03:53:00 +0800

(Энэ хязгаарлалтын тохиргоотой бичлэг байна. Зөвхөн унших эрхтэй хүмүүс л нэвтэрч блогоос нь унших боломжтой...)

no_email@coo.mn (MUckEr) — Wed, 28 Mar 2012 14:19:00 +0800

Нарны гэрэлд
Нүд гялбадгийг ч
Мартаж орхиж
Намайг зөвхөн
Түнэр харанхуй тэжээдэг
Уугаад, давхарлаад
Татаад, тариад ч
Тайвшрахаа больж
Уугаад давхарлаад
Татаад тариад ч
Тайвшрахаа больчихож

no_email@coo.mn (MUckEr) — Sat, 19 Feb 2011 20:28:00 +0800

Зарим нэг мэдрэмжийг мэдэрмээргүй.. Унтаад ахиж сэрмээргүй ч юм шиг.
Хэн ч дэргэд байхгүй хэнтэй ч юу ч дугарахгүй байх хэзээ ч миний төсөөлсөн шиг байгаагүй. Өдөр болгон хэвийн гэж гомдоллодог байсан мөртлөө өдөр болгон өөр байхаар өмнөхөөсөө ч илүү үзэн ядмаар. блаблаблабла

Бүрхэг өдөр

no_email@coo.mn (MUckEr) — Thu, 27 May 2010 00:42:00 +0800

Үргэлжид намайг ерөөж явсан
Өчнөөн хүн ертөнцөд алга
Үнэндээ би энд илүүдэж байна
Хүүхдээрээ дуусах гэнэн сэтгэлд минь
Нөхөд алга
Хүмүүсийн дунд нь, дунд нь атлаа
Би ганцаардаж байна
Шоочхон мушийх ах эгч нар минь андууд минь
Үнэнээсээ инээдэг үнэнээсээ уйлдаг
Нялх зүрхийг минь л
Үгүй хийчихэлгүй
Энэ хэвээр нь надад үлдээгээч

Өлзийтөгс

Үхлийн өмнө бодох бодол

no_email@coo.mn (MUckEr) — Sat, 27 Feb 2010 21:27:00 +0800

1.
Нүдний өмнө үзэгдэх энэ хорвоо намайг.
Нүгэл рүү түлхээгүй, буян нэхээгүй,
Дайсагнаагүй, гэвч би найрсаг байгаагүй.
Дандаа л ийм бүрхэг тэнгэр, эсвэл цэлмэг тэнгэр.

Нар гэдэг жаргал биш, Шөнө зовлон биш.
Насан туршид ээлжлэх ердийн л гэрэл сүүдэр.
Сүүдрээс болж биеэ даарлаа гэж төсөөлсөн бол,
Сүнс минь намайг өршөөгөөрэй.

2.
Сэтгэл зүрхийг минь уран идэгч
Хаа холын өлсгөлөн шувуу,
Сэрүүн салхинаа өдөө хийсгэгч
Хавар цагийн аянч жигүүр.

Тэнгэрээс залхаж, салхинд урагдсан
Бэртэнги жигүүр - Гуниг минь!
Тэвчээр барж үүлэнд хувирсан
Бүрхэг, давчдам өдрүүд!

Одоор баримжаалж, зүүдлэн ниссэн
Бүтэн нойртой шөнүүдийн эцэст
Одоо үхэх л үлджээ.
Сэрэхийн баяр алга.

Г.Аюурзана

SUICIDE...

no_email@coo.mn (MUckEr) — Thu, 25 Feb 2010 19:59:00 +0800

Би амьдралаас залхсан.. Миний хайртай юм бүхэн надаас холдож хүсэл мөрөөдөл хүртэл нэг л өдөр юу ч биш болчихсон.
Тэгээд би яагаад юуны төлөө амьдарч байгаагаа ойлгосонгүй. Надад хайр халамж, хүсэл мөрөөдөл юу ч сонин биш.
Өдрийг бодолд автаж нүцгэн утаан дунд өнгөрөөдөг боллоо.. Хий дэмий ингэж байхаас ч дэндүү залхжээ.
Тэгээд л нэг өдөр үхлийг би сонгосон. Би амьдрал нэртэй газраас явахаар шийдсэн. Итгэлтэй..
Амьдардаг сууцныхаа дээвэр лүү гарахаар шатаар алхлаа. Алхаад л байлаа. Ердөө л 9н давхар байшингийн шат руу хөлөө дааж ядан алхана. Хөл хүндрээд явж өгөхгүй удсаар арай хийж дээвэр дээр гарлааа.. хэр удаан алхсанаа ч санахгүй байна. Санахаас ч залхуу хүрнэ.
Дээврээс харахад амьдрал өрнөж хүмүүс амьдарсаар л байсан. Би тэр хүмүүсийг гайхаж бас өрөвдөх сэтгэл төрсөн.. Тэнд байсан шувууг хүртэл.
Хөлөө дээврийн ирмэг дээр зэрэгцүүлэн гишгээд эргэн тойрноо харахад надад хорогдох юм байсангүй.. Тэнгэр цэлмэг,агаар сайхан. Гэхдээ л харахаас ч итгэхээс ч амьдарч амьсгалахаас залхсан. Үүний цаана намайг ер бусын ертөнц хүлээж байгаа.
Тэгээд үсэрье гэж бодоод нүдээ тас анисан. яагаад нүдээ аниснаа ч ойлгосонгүй үсрэхээр шийдсэн. Намайг тэндээс үсрэхэд хүмүүс инээхийг уртаар санаа алдахыг би сонссон. Би үсэрсэн. Энэ л миний хүссэн зүйл байсан бололтой. Би сэтгэл хангалуун хэзээ ч мишээж байгүйгээрээ мишээж байсан.
Миний бие ямар ч хөдөлгөөнгүй хэвтэж судасны лугшилт мэдрэгдэж.... сүүлдээ лугших чимээ аажим аажмаар холдлоо...
Өглөө сэрэхэд миний судас лугшиж л байсан. Бие минь хөдөлж байсан.Харин би үхлээс л айсангүй. Яг л зүүд шигээ.......

ХАРанхуй

no_email@coo.mn (MUckEr) — Fri, 12 Feb 2010 16:57:00 +0800

БИ ХАРАНХУЙ ЕРТӨНЦӨД АМЬДАРДАГ
БИ ХАР ЕРТӨНЦӨД АМЬДАРДАГ
СЭТГЭЛ МИНЬ ГҮН ХЭРНЭЭ БӨГЛҮҮ
ЗҮРХ МИНЬ УУЖУУ АТЛАА ЗАЙГҮЙ
ӨӨРИЙН ЭНЭ ЕРТӨНЦДӨӨ БИ ХАРААР СЭТГЭЖ ХАРААР УЙЛДАГ
ӨРӨӨЛ БУСДЫГ ЗОВООЖ БАС ГОМДООЖ АМЬДАРДАГ
ӨРШӨӨЛГҮЙ ЭНЭ ЕРТӨНЦӨӨ ҮЗЭН ЯДДАГ ХЭРНЭЭ
ӨӨРИЙН БЯЦХАН ЕРТӨНЦДӨӨ ХЭТЭРХИЙ ИХ ДАСЖ ДЭЭ....

no_email@coo.mn (MUckEr) — Mon, 11 Aug 2008 00:22:00 +0800

Би өөрийгөө үзэн яддаг
Бие минь, нүд минь, зүрх сэтгэл минь минийх биш
Би өөрийгөө танин яддаг
Бичих минь, бодох минь, зөгнөх ёрлох минь надаас ангид

Маргааш өглөө намайг угтах нар
Маргаашийн маргааш учрах хүмүүс
Дандаа танил, дандаа хуучин, миний мэдэх ирээдүй
Дагаад алхаж буй энэ замаа би хаана төгсөхийг ч мэддэг

Миний биш гар цэцгийн далавч тасалж
Миний биш уруул жавартай үгсээр үлээж
Хүсэх тусмаа би хүсэлдээ боомилуулж
Хүрэх ёсгүйдээ хүрч, харах ёсгүйгээ хардаг
Би өөрөөсөө айдаг

Зүгээр л тэнгэрийн хэсэг болчих байтлаа
Зүгээр л энгэрийн хайлааст хувилчих байтлаа
Зүүдэндээ эхлээд үзчихдэг маргаашийн төлөө
Зүдүү, ядуу хүн хэвээр яваадаа гуньдаг

Би өөрийгөө үзэн яддагтаа гуньдаг

ЭНЭ ЁСТОЙ ЛАЙТАЙ ШҮЛЭГ ЯГ НАдАд ЗОРИУЛЖ БИЧСЭН ГЭЛТЭЙ НТР :D

..............

no_email@coo.mn (MUckEr) — Sun, 10 Aug 2008 16:30:00 +0800

Нэг дэлбээ, хоёр дэлбээ, гурван дэлбээ
Надад цэцгээр мэргэлэх сайхан байна.
Үхэх үү? Эсвэл амьдрах уу?
Үйлийн үр үү? Эсвэл зурсан зураг уу?

Нэг амьдрал, Урьдах амьдрал, Хойд амьдрал
Надад энд амьдрах сайхан байна.
Тэгээд Үхэх үү? эсвэл Амьдрах уу?
Тэндхийн диваажин дээр үү? эндхийн там дээр үү?
Нэг мөрөөдөл, нөгөө хүсэл, өөр найдвар
Надад өөр зүйл хэрэггүй нь сайхан байна.
Амьдрах уу? Тэгвэл үхлийг үзэн яд.
Үхэх үү? Тэгвэл амьдралыг үзэн яд.
Нэг хайр, бас шохоорхол, нууц тачаал
Намайг энэ бүхэн нь хүрээлдэг нь сайхан байна.
Үйлийн үр үү? Тэгвэл хүлцэн тэвч.
Зурсан зураг уу? Тэгвэл ерөөлөөрөө болог.
Нэг амьдрал, өөр мөрөөдөл, бас шохоорхол
Надад цэцгээр мэргэлэх сайхан байна.
Үхэх үү? амьдрах уу? найдах уу? хайрлах уу?
Үйлийн үрээ эдлэх үү? Нөгөө хүслээ гүйцээх үү?